قازاقستان رەسپۋبليكاسى اۋىل شارۋاشىلىعى مينيسترلىگىنىڭ بۇيرىعى  №11-1/343

2015 جىلعى 16 ءساۋىر,  استانا قالاسى «قازاقستان رەسپۋبليكاسى اۋىل شارۋاشىلىعى مينيسترلىگى «ب» كورپۋسى مەملەكەتتىك اكىمشىلىك قىزمەتشىلەرىنىڭ قىزمەتىن جىل سايىنعى باعالاۋدىڭ ادىستەمەسىن بەكىتۋ تۋرالى» قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 16 قاڭتارداعى  № 11-1/18 بۇيرىعىنا وزگەرىستەر ەنگىزۋ تۋرالى بۇيىرامىن: 1. «قازاقستان رەسپۋبليكاسى اۋىل شارۋاشىلىعى مينيسترلىگى «ب» كورپۋسى مەملەكەتتىك اكىمشىلىك قىزمەتشىلەرىنىڭ قىزمەتىن جىل سايىنعى باعالاۋدىڭ ادىستەمەسىن بەكىتۋ تۋرالى» قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 16 قاڭتارداعى № 11-1/18 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10267 بولىپ تىركەلگەن, 2015 جىلعى 24 اقپاندا قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ «ادىلەت» اقپاراتتىق-قۇقىقتىق جۇيەسىندە جاريالانعان) مىناداي وزگەرiستەر ەنگىزىلسىن: كىرىسپە مىناداي رەداكتسيادا جازىلسىن: «قازاقستان رەسپۋبليكاسى پرەزيدەنتىنىڭ 2000 جىلعى 21 قاڭتارداعى № 327 جارلىعىمەن بەكىتىلگەن مەملەكەتتىك اكىمشىلىك قىزمەتشىلەردىڭ قىزمەتىنە جىل سايىنعى باعالاۋ جۇرگىزۋ جانە ولاردى اتتەستاتتاۋدان وتكىزۋ قاعيدالارىنىڭ 27-تارماعىنا سايكەس بۇيىرامىن:»; وسى بۇيرىقپەن بەكىتىلگەن قازاقستان رەسپۋبليكاسى اۋىل شارۋاشىلىعى مينيسترلىگى «ب» كورپۋسى مەملەكەتتىك اكىمشىلىك قىزمەتشىلەرىنىڭ قىزمەتىن جىل سايىنعى باعالاۋدىڭ ادىستەمەسىندەگى: 1-تارماق مىناداي رەداكتسيادا جازىلسىن: «1. وسى قازاقستان رەسپۋبليكاسى اۋىل شارۋاشىلىعى مينيسترلىگى «ب» كورپۋسى مەملەكەتتىك اكىمشىلىك قىزمەتشىلەرىنىڭ قىزمەتىن جىل سايىنعى باعالاۋدىڭ ادىستەمەسى (بۇدان ءارى – ادىستەمە) «مەملەكەتتىك اكىمشىلىك قىزمەتشىلەردىڭ قىزمەتىنە جىل سايىنعى باعالاۋ جۇرگىزۋ جانە ولاردى اتتەستاتتاۋدان وتكىزۋ قاعيدالارىن بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2000 جىلعى 21 قاڭتارداعى № 327 جارلىعىنا جانە «ب» كورپۋسى مەملەكەتتىك اكىمشىلىك قىزمەتشىلەرىنىڭ قىزمەتىن جىل سايىنعى باعالاۋدىڭ ۇلگىلىك ادىستەمەسىن بەكىتۋ تۋرالى» قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ 2014 جىلعى 29 جەلتوقسانداعى № 86 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10130 بولىپ تىركەلگەن) سايكەس ازىرلەندى جانە قازاقستان رەسپۋبليكاسى اۋىل شارۋاشىلىعى مينيسترلىگى «ب» كورپۋسى مەملەكەتتىك اكىمشىلىك قىزمەتشىلەرىنىڭ (بۇدان ءارى – قىزمەتشىلەر) قىزمەتىن جىل سايىنعى باعالاۋدىڭ ادىستەرىن ايقىندايدى.»; 4-تارماق مىناداي رەداكتسيادا جازىلسىن: «4. قىزمەتشىلەردى باعالاۋ مىنالاردان: 1) قىزمەتشىنىڭ تىكەلەي باسشىسىنىڭ باعالاۋى; 2) اينالمالى باعالاۋ (قىزمەتشىنىڭ قاراماعىنداعى نەمەسە ولاردىڭ ارىپتەستەرىنىڭ باعالاۋى). قىزمەتشىنىڭ تىكەلەي باسشىسى ونىڭ لاۋازىمدىق نۇسقاۋلىعىنا سايكەس ءوزى باعىناتىن تۇلعا بولىپ تابىلادى.»; 6-تارماق الىنىپ تاستالسىن; 22-تارماق مىناداي رەداكتسيادا جازىلسىن: «22. كوميسسيا باعالاۋ ناتيجەلەرىن قاراستىرادى جانە مىنا شەشىمدەردىڭ ءبىرىن شىعارادى: 1) باعالاۋ ناتيجەلەرىن بەكىتەدى; 2) باعالاۋ ناتيجەلەرىن قايتا قارايدى. باعالاۋ ناتيجەلەرىن قايتا قاراۋ تۋرالى شەشىم قابىلداعان جاعدايدا كوميسسيا حاتتامادا ءتيىستى تۇسىندىرمەمەن كەلەسى جاعدايلاردا باعانى تۇزەتەدى: ەگەر قىزمەتشىنىڭ قىزمەت تيىمدىلىگى باعالاۋ ناتيجەسىنەن كوپ بولسا, بۇل رەتتە قىزمەتشىنىڭ قىزمەت ناتيجەسىنە قۇجاتتامالىق راستاۋ بەرىلەدى; پەرسونالدى باسقارۋ قىزمەتى قىزمەتشىنىڭ باعالاۋ ناتيجەسىن ساناۋدا قاتە جىبەرسە. بۇل رەتتە قىزمەتشىنىڭ باعاسىن تومەندەتۋگە جول بەرىلمەيدى.»; 24-تارماق الىنىپ تاستالسىن. 2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ كادر جانە اكىمشىلىك قامتاماسىز ەتۋ دەپارتامەنتى زاڭنامادا بەلگiلەنگەن تارتiپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىنىڭ مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن; 3) وسى بۇيرىقتىڭ قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا جاريالانۋىن قامتاماسىز ەتسىن. 3. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ اۋىل شارۋاشىلىعى ءمينيسترى ا.مامىتبەكوۆ بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 19 مامىردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11080 بولىپ ەنگىزىلدى.